CrioEBUS teknikari buruzko prestakuntza: aurrerapauso bat biriketako minbiziaren diagnostikoan

Joan den ostiralean, apirilaren 24an, jardunaldi bereziki garrantzitsua egin zen Donostiako Unibertsitate Ospitalean pneumologiari buruzko prestakuntzarako. Pneumologiako EAEko eta Nafarroako Elkarteak ikastaro bat antolatu zuen hirugarren eta laugarren urteko egoiliarrentzat, mugarri izaten ari den teknika bat ardatz hartuta: bronkoskopia crioEBUS linealarekin (ingelesez EBUS-TMC ere esaten zaio).

Teknika hori berria da oraindik bai Espainian bai nazioartean, eta aurrerapen nabarmena dakar biriketako minbiziaren diagnostia egitean eta estadioak zehaztean.

CrioEBUS teknika linealari esker, orain gongoil mediastinikoen biopsiak lor daitezke bronkoskopiaren bidez, kirurgia egiteko beharrik gabe.

Testuinguru horretan, Donostialdeko ESIa erreferentziazko zentroa da Euskadin teknika hori ezartzeari dagokionez. Berrikuntzaren eta etengabeko prestakuntzaren aldeko apustuak aukera ematen die pazienteei aukera diagnostiko aurreratuagoak, seguruagoak eta efizienteagoak eskaintzeko.

Ikastaro horrek, etorkizuneko espezialisten gaitasuna indartzeaz gain, agerian uzten du pneumologia-komunitateak arreta etengabe hobetzeko konpromisoa duela.