Egoiliarrentzako Ate Irekien jardunaldiak (2024)

Ongi etorri Donostialdeko ESIra. Unibertsitate ospitale bat eta 32 osasun-zentro eta anbulatorio biltzen dituen zerbitzu integratuko erakunde bat gara. Gure jardun-esparruan Donostiako eta Oarsoaldeko, Donostialdeko eta Urola Kostaren zati bateko 700.000 biztanle inguru ditugu.

Ongi etorri!

Agustín Agirre
Donostialdeko ESIko zuzendari-gerentea

Donostia Unibertsitate Ospitaleak Osasun, Gizarte Politika eta Berdintasun Ministerioaren irakaskuntza-akreditazioa dauka 1975az geroztik. Gaur egun, 40 espezialitate daude akreditaturik, eta horiei gehitu behar zaizkie Familiako eta Komunitateko Medikuntza, Medikuntza Prebentiboa, Laneko Medikuntza eta BAEEentzako Emaginen espezialitatea. Hauek beren irakaskuntza-unitateak dauzkate eta ez daude ospitalean kokaturik, baina euren egoiliarrek gure zentroan jasotzen dute prestakuntza.

Gipuzkoako egitura sanitarioan 4 eskualde-ospitale daude, eta horiekiko harremanak ospitalearen eta osasun-eremuen arteko irakaskuntza-egitura oso integratua eraikitzen du. Ospitaleak zerbitzu kliniko, mediko eta kirurgiko guztiak eta laborategi eta irudi-zerbitzu guztiak ditu, eta, transplante hematologikoen arloan, erreferentziazko ospitalea da Euskal Autonomia Erkidego osoan. Biodonostia Osasun Ikerketako Institutua ere Donostialdeko ESIri atxikitzen zaio, eta institutu horrek aukera paregabea eskaintzen digu arreta eta prestakuntza-jarduera eta ikerketa uztartzeko.

Begoña Azcarate Ayerdi

DUOko PSEko ikasketaburua

Eulali Mariñelarena Mañeru

Gipuzkoako FKAko IUMko ikasketaburua

PROGRAMA

Ez dago izena eman beharrik

Donostia Unibertsitate Ospitalea Donostialdea ESIaren parte da eta Osakidetza Euskal Osasun Zerbitzuaren barruan sartzen da.Euskadiko osasun-zentro nagusietako bat da, eta 1.000 ohe inguru eta 30 kirofano baino gehiago ditu.

Urtean 300.000 egonaldi inguru ditugu eta 50.000 ebakuntza kirurgiko inguru egiten ditugu.Era berean, egunean 350 larrialdi baino gehiago artatzen dugu eta kontsultetan 800.000 pertsona ingururi egiten diogu arreta.Horrez gain, gure zentroan urtean 3.500 haur inguru jaiotzen da.

Gipuzkoako Familia eta Komunitate Arretako Irakaskuntzako Unitate Multiprofesionalak urtean 37 egoiliar har ditzake Familia eta Komunitateko Medikuntzaren espezialitatean, eta urtean 14 egoiliar Familia eta Komunitateko Erizaintzaren espezialitatean.