Realeko jokalariek ospitalea bisitatu dute

Joan den ostegunean, maiatzaren 7an, Realeko jokalariak ospitalean zehar ibili ziren, ingresatutako haurren geletara hurbiltzeko. Kemen- eta hurbiltasun-uneak partekatzeaz gain, hainbat opari eman zizkieten, eta beraz, zalantzarik gabe, atzoko eguna benetan berezia izan zen.

Gainera, idazketa-lehiaketako sarien banaketan parte hartzeko aukera izan zuten, eta gure paziente gazteen sormena, ahalegina eta irudimena aitortu zuten.

Jardunaldiak, gainera, esperientzia berritzaile bat izan zuen. Realak aldi baterako utzitako errealitate birtualeko betaurreko batzuei esker, paziente gazteenek aukera izan zuten gelatik mugitu gabe ospitaletik “irteteko”. Teknologia horren bidez, Anoetako estadioa ikusi zuten, eta taldeko aldageletara ere sartu ziren; horri esker, esperientzia paregabea eta desberdina bizi izan zuten.

Beste behin ere eskertu nahi dugu Real Sociedaden inplikazioa eta hurbiltasuna, baita gure ospitalearekiko konpromisoari ere. Horrelako ekimenek, entretenitzeaz gain, poza, motibazioa eta bultzada emozional baliotsua ematen dute ospitaleratze-prozesuan.

Eskerrik asko Reala, posible egiteagatik, eta eskerrik asko Intza Egiguren, Mirari Uria, Pablo Marín eta Unai Marrero jokalariei, zuen bisita atseginagatik.